GAZEL12

Ağlasa dilzâr-ı nâçâr-ı perîşânum saña;

İntizâr eylerdi ihyâ, kalb-i vîrânum saña.

Taht-ı ‘âlî-yi ekālîm-i mehâsinde ki sen,

Bir gedâ hâlin nasıl ‘arz itse sultânum saña?

Öyle mahzûnum ki kimler kasrıña hıdmet ider.

Bir baña lutf itmediñ ben ney diyem hanum saña.

Âh u zârım tüm cihânıñ halkınıñ ma‘lûmudur.

Aşkımı gayrı nasıl îzâh idem cânum saña?

Dün nigâh itdiñ niyâz eyler iken ben cevriñe.

Belki te’sîr itdi vâhım şâh-ı şâhânum saña.

Kalb-i çakçâkum virüb ömrüm fedâ itsem saña.

Özge mülküm yok virem serv-i hırâmânum saña.

Sen didiñ yâ bu emânıñ kimlere Merdümgirîz?

Dem-be-dem imdâd ider bu çeşm-i giryânum saña.

~HÜSEYİN SAYKILI

GAZEL 11

Sun bâdeyi cânâ baña mestâne disünler.

Eyvah gör o şâd olmadı dîvâne disünler.

Sen göñlümü doldur mey-i sevdâ ile sâkî!

Varsun süfehâ göñlüme peymâne disünler.

Yak sîneñi ol âteş-i sûzân-ı aşkla.

Kim şâhid olur, sîne-i od-hāne disünler.

Meftûn-ı çerâğ ol, özüñü âteşe râm it.

Bu aşk ile gayrı saña pervâne disünler.

Merdüm-gürîz ismine bir gûşe-nişîn ol.

Ağyâr ile yârân dahi bîgâne disünler.

~HÜSEYİN SAYKILI

 DERMAN